التسويق الإلكتروني VS التسويق التقليدي

 التسويق الإلكتروني   VS  التسويق التقليدي

                                                                        

تواجه العديد من الشركات أو المشاريع الصغيرة صعوبة في اتخاذ قرارها في اختيار نوع التسويق اللي هتقوم بيه هتختار التسويق بالطريقة التقليدية ولا هتختار التسويق اونلاين , وده طبعا لأن البدجت اللي بتكون مخصصة مش هتغطي الإتنين مع بعض ..

القرارات اللي المفروض بتتاخد ساعتها مش بتكون بالسهولة , واللي بناءا عليها بيتحدد ايهما الطريقة الأفضل بينهما و المناسبة و اللي المفروض هتديني -كصاحب الشركة -مردود مسموع.. , كمان المفروض بيتحدد ازاي هقدر أعرف ان التسويق اللي تم اختياره ناجح..؟! و مين اللي هعتمد عليه في تنفيذ خطوات التسويق ...

نحب في الأول نكون واقفين علي نفس الأرضية في تعريف المصطلحين ( التسويق التقليدي و التسويق الالكتروني ) فإستخدام الإعلانات المطبوعة في الجرائد و المجلات ده أبسط مثال للتسويق التقليدي واللي بيضم كمان الإعلانات التجارية في التليفزيون و الراديو و البريد , علي الجانب الآخر هنلاقي ان الإستثمار في بناء موقع الكتروني او في الدعاية لاسم تجاري من خلال قنوات السوشيال ميديا زي الفيس بوك و تويتر و يوتيوب فده هو التسويق الإلكتروني أو ما يسمي بالديجيتال ماركتنج ...

بعد ما حددنا المقصود بالمصطلحين هنعرض دلوقت اوجة الفائدة و القصور في كل منهم...

مميزات التسويق التقليدي :

هنلاقي ان أول مميزاته( الوصول السهل للعميل المستهدف علي المستوي المحلي ) علي سبيل المثال : اعلانات الراديو غالبا بتكون مقصورة علي مدينة أو منطقة معينه ..

 تاني ميزة في التسويق التقليدي الأدوات المادية المستخدمة و بالتالي يمكن للعميل الإحتفاظ بنسخة من البروشور مثلا ممكن يرجع له بعدين و يقرأءه تاني و تالت...

تالت ميزة للتسويق التقليدي أنه سهل يتفهم لأغلبية الناس علشان غالبا إتعرضوا لمثل هذه الأمثلة من الدعاية ...

قصور التسويق التقليدي :

بعد ما عرضنا سريعا مميزات التسويق التقليدي هنعرض أوجه القصور فيه واللي هيبقي

 أولها ( قلة التفاعل -مفيش تواصل مباشر مع العملاء ) و اللي بيتم من خلاله توصيل الشركات المعلنه لرسالتها و توضيح معالم و تفاصيل علامتها التجارية

هنلاقي تاني قصور إن ( التسويق التقليدي من مطبوعات و إعلانات الراديو و التليفزين بتكون تكاليفها عالية ) و اللي بيزيد عليها تكلفة توزيعها و اللي بتكون من خلال تكاليف عاملين لتوزيعها

تالت قصور بيكون في ( صعوبة قياس النتاائج ) لاستراتيجية التسويق التي تم تنفيذها ...

مميزات التسويق الالكتروني :

دلوقت ننتقل للتسويق الإلكتروني لعرض المميزات ..

أولا هنلاقي ( إمكانية الوصول إلي العميل المحلي و العالمي كمان ) و فوق كده الوصول بدقة بناءا علي اختيار العملاء المستهدفين من خلال تحديد المناطق الجغرافية و الإهتمامات و الجنس والسن و ده يعني بالطبع زيادة فاعلية الحملة التسويقية ..

تاني ميزة بتكون في ( اتاحة الفرصة لعملائك بإختيار طريقة إستقبالهم لمحتواك التسويقي ) فمنهم من يفضل قرائة بوستات المدوانات ومنهم من يفضل اليوتيوب بخلاف التسويق التقليدي اللي مش بيتيح للعميل طريقة لتلقي الدعاية ..

تالت ميزة ( امكانية التفاعل مع العملاء ) وده بيكون من خلال قنوات السوشيال ميديا بخلاف التسويق التقليدي ..

من المميزات كمان للتسويق الإلكتروني أنه أكثر فاعلية و تأثير , وقياسا بالتكلفة يظل التسويق الالكتروني أقل تكالفة من التسويق التقليدي.

بخلاف طبعا أن المنافسة في هذا النواع من التسويق (التسويق الالكتروني) يتساوي الجميع فيه فلدي الكل نفس الأدوات -والشطارة في إستخدمها - مع بعض لتنفيذ إستراتيجية تسويق أكثر فاعلية

- Viral - ومن أكثر الميزات للتسويق الالكتروني علي التقليدي ألا و هي " الإنتشار السريع "  

فبإستخدام السوشيال ميديا و المشاركات عبرها و كذلك من خلال الايميلات و الموقع الالكتروني فكلها أدوات أونلاين تستطيع من خلالها الوصول سريعا لعملائك المحتملين لذلك كان من المهم جودة جودة المحتوي ..

#نور يوسف/ Nour Yousef